Истанбул е фасцинантен град, со живи населби, енергична културна размена, бесконечен вртлог од историја и прекрасно море во самиот центар, кое што за жал овој пат немавме прилика да го почуствуваме поради непрекинатиот дожд за цело време додека престојував во царскиот град. И покреј тешкиот и трнлив пат да се стигне до свој бренд и занаетчиско пиво кое што ќе ја претставува земјата не само на локалните туристи туку и интернационални натпревари за пиво. Овој пат целта беше посета на јубилејното 10 издание на фестивалот на домашно и занаетчиско пиво, на покана на клубот на колекционери и љубители на пиво од Истанбул. И покрај проблемите со кои што се соочуваат со високи даноци, забрана за рекламирање на брендови и слично занаетчиското пиво во Турција опстојува и напредува со својот квалитет.
Покрај домашните производители на пиво кои своето пиво го нудеа за дегустација, но и за оценување од страна на мала група на пивски експерти и судии, учествуваа и неколку сериозно квалитетни официјални занаетчиски пивари од Турција: Gara Guzu Brewery e една од првите занаетчиски пивари во земјата и се сметаат за пионери на занетчиското пиво во Турција, кои од идеја од 2011 г почнаа да работат дури во 2014 г. Knidos Brewery од Мармара, A Sante brewery oд Адана и Torch Brewery од Измир. Воедно посетивме и неколку интересни места со култ кон занаетчиското пиво.
The Populist нуди на Истанбул и туристите најдобрите занаетчиски пива, кујна и музика лоцирана во историскиот комплекс каде што била најстарата фабрика за пиво во Турција , Бомонти уште од Отоманската Империја. Денеска на ова место се наоѓа и музејот за пиво, но и новата пиварница за новата генерацција од 2016 г. Концептот на Популист е креиран од Шпанската дизајнерска фирма Lagrange, а различното пивско портфолио е од Германски мајстор за пиво до пред неколку години, за да денеска го замени Американски брумастер со германска обука, со оригинални рецепти и лрестижни награди на пивски натпревари како The Meininger’s World Craft Beer Award, Brussels Beer Challenge
SANAYI 1-A е ново концептуално место за љубителите на пиво кое што нуди исклучително локални занаетчиски пива на точење.
Мотивирани сме повторно да се вратиме во Истанбул на уште некој поголем пивски фестивал.
Неодамна од нашите пријатели од Бугарија дознавме дека се подготвува првото издание на BALKAN BEER BASH во Софија, што е и прв посериозен настан или дводневен фестивал на крафт пива со тенденција да биде еден од најсилните во регионот.