Skip to content Skip to footer
Отворено: понеделник до петок од 12:00 до 20:00 часот
улица Максим Горки 25/4 1000 Скопје, Македонија
0 items - 0 ден 0

ТЕРМИНОЛОГИЈАТА НА КРАФТ ПИВАТА

За вистински да го разберете и ценете значењето на занаетчиските пива и воедно да комуницирате за него со пријателите и ентузијастите, „Сакам Пиво“ ви помага во тоа да ја запознаете терминологијата која се користи во светот на пивото. Проширувајќи го вашето познавање и речник може да ви помогне подобро да ги разберете разликите помеѓу различни стилови и да го цените пивото се повеќе и повеќе.

Се обидовме да го опфатиме целиот пивски жаргон и сите дескрипиции кои треба да ги знаете за да целосно уживате во вашето следно пиво. Па да почнеме

ОСНОВНИТЕ СОСТОЈКИ НА КРАФТ ПИВОТО

Постојат четири основни состојки за да се направи пиво: слад, хмељ, квасец и вода. Во зависност од стилот на пивото може да се додадат и други состојки како што се други житарки, па дури и овошје и други зачини.

Malt/Слад; е основната житна култура за сите видови на пиво *Сладот секогаш се прави од јачмен, пченицата се користи како додаток за одредени пивски стилови како што се пченичните пива). Сладот се создава со натопувањето на јачменот во вода, со што му се овозможува почеток на ртењето, па следува сушењето, и отстранување на коренчињата. Овој процес овозможува производство на ензими, кои за време на процесот на производство на пиво го претвараат скробот во ферментиран шекер Процесот на клинење исто така може да резултира со слад со карактеристики кои донесуваат различни вкусови и бои на финалниот производ.

Adjuncts/Адитиви: други видови на несладени житарки без шеќер или шеќери кои се додаваат во пивото за да создадат различни вкусови и бои. Некои примери се овес, ‘рж, пченица, ориз и пченка. Медот и другите шеќери исто така спаѓаат во оваа категорија.

Hops/Хмељ: расте во вид на винова лозница и произведува зелени конусни цветови. Откако се берат (кон крајот на септември) овие конусни шишарки се сушат, и потоа се користат во пиварството за додавање на горчина  и арома. Аромата се разликува и е доста разновидна. Популарни сорти на хмељ кои се користат во занаетчиското пиварство се Cascade, Centennial, Amarillo, Chinook, Saaz, Northern Brewer, Willamette, Mt. Hood, Goldings, Tettnang, Fuggles, Northern Brewer и Hallertau. Цитрусните и овошни ароми во пивото доаѓаат токму од примената на овие видови на хмељ во различни фази на додавање и различни количини секако. 

Ale yeast/квасец за але пиво: квасец кој се користи за пивата со горна ферментација. Овој квасец ферментира на повисоки температури (приближно до собна температура) Многуте видови на але квасец кои постојат служат за добивање на различни ароми и вкусови кои се многу популарни меѓу крафт пиварите.

Lageryeasts/лагер квасец : квасец кој се користи кај пивата за долна ферментација. Најдобри резултати постигнува на пониски температури 

Див квасец: посебен вид на квасец кој се користи за да се направи кисело пиво или диво пиво. Обично пиварниците и винарниците се обидуваат да го спречат овој квасец да влезе во пивото но сепак одлежаните пива во буриња секогаш го имаат овој квасец со цел да постигнат киселкасти ароми и посеебен специјален вкус. Пример се ламбик пивата. 

КРАФТ ПИВАТА ВО БРОЈКИ

Ако погледнете во било која етиката на некое крафт пиво ќе забележете разни бројки  и кратенки, наведени сите состојки од кои е направено пивото . Еве што означуваат тие кратенки:

ABV: Alcohol by volume/ Алкохол по волумен: вредност која покажува колку проценти на алкохол има во пивото.

Gravity/ Гравитација: количина на шеќер во пивото оригиналната гравитација (Original gravity o.G) е вредноста мерена пред да почне пивото да ферментира, Final gravity (F.G.) или финалната гравитација е вредноста мерена после ферментацијата на пивото. Содржината на алкохол во пивото може да е пресмета со помош на овие две вредности.

º Plato: измерена вредност на оригиналната гравитација. овој термин се користи исто така и во винскиот свет. 

IBU: International bittering units/ Интернационална единица за горчина: Иако чувството на горчина на пивото е различно од човек до човек и е работа на вкусови, сепак ова е објективната мерна единица и вредност за горчината на пивото. Овој број се базира на количината на алфа киселините кои ги има во хмељот, колку хмељ се користи во пивото и кога се додава

ПРАВЕЊЕ НА КРАФТ ПИВО 

Некои пиварници ја користат пивската терминологија за да објаснат некои аспекти за нивното пиво. Тие понекогаш ја користат истата терминологија и на етикетата на самото пиво. НА пример веднаш по бербата на хмељот може да се сретне пиво опишано како “Wet-Hopped Ale.” 

Mash/Укоминување: процес во пиварството кој се случува кога зрната слад и сите други додатоци се натопуваат со вода на одредена температура, обично околу 68 степени целзиусови. Ова киснење ги создава ензимите во сладот кој ги претвараат зрната од скроб во природни шеќери од кои подоцна поголемиот дел ќе бидат ферментирани во квасецот. 

Wort/сладовина: слатката течност која се создаде после процецсот на укоминување, која подоцна се вари Пивото кога почнува да вари се нарекува сладовина или ворт додека да почне да ферментира, после станува пиво.

Boil/ варење, кување:  чекор во процесот на производство кога сладовината се вари или кува и се додава хмељот и сите други зачини во различни фази. Со вриењето се запираат ензимите кои се активираат во време на укоминувањето и го стерилизираат вортот/сладовината. Вриењето обично трае 60 минути, но може да биде и подолго во зависност од стилот На пример некои ИПА стилови на пиво вријат и до 90 минути.

Bittering hops/ хмељ за горчина: Хмељот за горчина се додава на почеток на вриењето, што резултира со поголема горчина и помалку арома на пивото.

Aroma hops/ хмељ за арома: се додаваат на крајот на вриењето и произведува помалку горчина и повеќе арома во финалниот производ.

Dry-hopped/суво хмељење: се однесува на додавање на хмељ по вриењето, при пренос во секундарната ферментација во самиот ферментер или во некој друг ферментер. Во оваа техника се додава многу хмељ и се постигнува повеќе арома а помалку горчина

Ферментација: После вриењето, сладовината се лади и се пренесува во стерилизиран ферментатор, каде што се додава квасецот, Квасецот ги јаде ферментабилните шеќери и и произведува јаглерод диоксид и алкохол со што пивото почнува да ферментира. Различните видови на квасец може да резултираат со различни вкусови на пивото. НА пример пиво направено со Белгиски квасец е различно од пивото направено со Калифорниски квасец.

Conditioning/одлежување: Процесот на зреење и газирање на пивото. Тоа е последниот и најтежок чекор. пред пивото да биде подготвено за конзумирање. карбонизацијата настанува со природно одлежување на пивото во шишињата, бурињата.

ПИЕЊЕ НА КРАФТ ПИВО

Пивските фанатици често користат многу начини да го опишат пивото што го пијат. Следуваат неколку вообичаени дескрипции кои можеби и сте ги слушнале некогаш до сега а се користат во терминологијата на пивската дегустација.

Hoppy: Пиво кое покажува силна изразена горчина и арома на хмељот. Бидејќи хмељот може да има различни вкусови и ароми тешко е да се посочи токму она што некој го означува како „хоппи“ Обично пивото е горчливо и мириса на цитрус. смола или разни цвекиња. Другите популарни вкусови и ароми на хмељот се земјести и цветни. 

Malty: Пивото силно ги изразува квалитетите на сладот. Вкусовите и аромите од сладот во пивото може да се опишат како зрнести, јачменови, печени,со вкус на свеж печен леб, или вриен шеќер. Сладувањето не е мерило за блажината на пивото. бидејќи постојат пилснер пива кои воопшто не се слатки.

Задржување на пената: Пената која се формира при налевање на пивото потребно е да биде долга и да се задржи подолго време во пивото поради задржување на сита ароми и вкусови на пивото. Иако огромното мнозинство од стилови на пиво бараат добро формирана пена, тоа не е случај за сите стилови на пиво.

Mouthfeel. послевкус: Како пивото го чувствувате во устата. Може да варира од полно до воденасто, 

Imperial: пивата кои се опишани како „Imperial“ или како двојни се еден поширок спектар на верзии на стил кој е опишан во пивото НА пример Империјал пивата имаат повеќе слад, повеќе алкохол повеќе блажина повеќе горична.

Session/сезоански пива: основната идеја за сезонските пива е тоа што може да пиете повеќе пива во текот на една вечер без да се опиете 🙂 Некои тврдат дека сезонските пива мора да имаат не повеќе д 4% алкохол, но тоа и не мора да е секогаш случај. Сезонските пива се опозиција на Империјалните.