Skip to content Skip to footer
Отворено: понеделник до петок од 12:00 до 20:00 часот
улица Максим Горки 25/4 1000 Скопје, Македонија
0 items - 0 ден 0

ОСНОВНИ ИЗРАЗИ КОИ СЕКОЈ ПОЧЕТНИК ЉУБИТЕЛ НА КРАФТ ПИВО ТРЕБА ДА ГИ ЗНАЕ

Денес никогаш не било подобро време за да ги „истражуваш“ во новите вкусови на пивото. Од друга страна тоа е и само по себе забава на некој начин. Да влезеш во светот на пивото не мора да го знаеш процесот на изработка, доволно е да го разбереш и да го засакаш крафт односно занаетчиското пиво. Всушност, мајсторите пивари на некој начин се и хемичари кои ја експериментираат со науката, технологијата, креативноста и уметноста да се создаде еден ваков комплексен пијалок. 

Но, сепак постои некоја бариера. Пивото е на некој начин субкултура, и си има свој специфичен јазик и терминологија (која што може да ја прочитате и на етикетите). Тој специфичен пивски јазик на некој начин е застрашувачки. Кога љубителите на пиво, оние кои го прават пивото, но и оние кои го служат пивото (за жал или среќа кај нас сеуште нема такви големи позанвачи) почнат да ве бомбардираат со терминологија како „естери“, иил „диацетил“, иил „секундарна ферментација“, просечниот пијач на пиво верувајте нема да ве разбере. Но, тоа не мора да биде толку тешко како што изгледа на прв поглед. Естерите и диацетилот се испарливи соединенија на вкусот на пивото кои тежнеат кон тоа да имаат овошни, или цветни ароми. Секундарната ферментација е едноставно втората ферментација која се одвива во втор сад. односно „контејнер“.

За да ви помогнеме да се пробиете во светот на пивото, ќе обајсниме некои основни поими и нивното значење. Ова во никој случај не е сеопфатна листа на терминологијата поврзана со пиво, но е добра основа од која може да се нурнете малку подлабоко. Речиси сите сте ги погледнале етикетите и знаете што пишува на нив, па така следува еден мал водич на основната пивска терминологија за секој почетник кој сака да влезе во богатиот свет на пивските вкусови

Malts – ЈАЧМЕНОВ СЛАД

Сладот е основата на пивото или неговата душа. И од овде ќе започне вашето патување. Во суштина, сладовите се направени од јачмен, кој што е добиен како резултат на продуктот кој се нарекува „сладовина“. Тоа значи дека по жетвата на јачменот, зрната киснат и ‘ртат во свежа вода одредено време додека не почнат да се појавуваат ркулците. Потоа јачменот се суши, обично во печка, се додека ртењето не престане и се претвори во скроб/шеќер. Во тој процес кој се одвива на различни температури се создава основниот вкус за финалниот производ на пивото. Потоа во зависнот од тоа каков вкус сакате да добиете, го печете сладот на различни температури (чоколаден, карамелизиран, ,ароматичен, димен)

Од тука сладот се меле, но не како брашно, туку се дроби за да лушпата се користи како филтер, потоа се меша со вода на одредена температура, од каде што се добива тн сладовина која што треба да е слатка и вкусна течност (од тоа зависи и колку пивото ќе ја има потребната јачина, односно природно добиени шеќери) Таа сладовина потоа се става да врие одреден период, каде што се додава хмељ, по брзото ладење, се става во ферментор, каде што се додава квасец кој што ги јаде тие шеќери и на тој начин создава алкохол Така јачменовиот слад подоцна станува пиво.

Покрај јачменот, исто така во пиварството многу се користи и пченица (изртена или сурова) во тн пченични пива односно Hefeweizen. Во Германија, за да се нарече “Hefeweizen” пивото треба да биде најмалку 50 проценти пченица (додека останатото е јачмен). Други видови се разликуваат многу. На пример, пченицата во пивото Берлинер Вајс е поблиску до 30 проценти. Американските пченични пива може да бидат од 10 до 30 проценти пченица.

Yeast – КВАСЕЦ

Веројатно следниот најважен термин што треба да се знае е квасецот. Без квасец, нема алкохол. Квасецот е жив организам, габа, кој се додава во садот за ферментација кој што ги јаде шеќерите и создава алкохол. Пиварскиот сув квасец (Saccharomyces) е многу специфична работа за секое приготвено пиво. Белгиските ламбици ферментираат со диви квасци од воздухот од областа Пајотенланд во текот на пролетта и летото. За лагер пивата Lagers треба “лагер квасец”, кој ферментира на пониски температури и на пивото му го дава оној бисквитен вкус и арома. 

Ales vs. Lagers

Кога луѓето зборуваат за пивото але или лагер, она што тие навистина треба да го знаат е дека се однесува на пиво направено со “квасецот за горна ферментација”  “top-fermenting yeast” наспроти “квасецот за долна ферметнација/bottom-fermenting yeast.” . Квасците за горна ферементација се познати и како але квасци. На кратко, овие квасци, сакаат да ги јадат шеќерите на повисоки температури, и се таложат на врвот од пијалокот. На овие квасци им е потребно повеќе време да ги ферментира шеќерите во ферменторот и затоа имаат повеќе вкус. на сладот. Крајниот резултат од овие квасци пивото може да добие природна овошна арома или земјеста плодна.

Квасецот за долна ферментација е сосема друга приказна. Најчесто се нарекува лагер квасец. кој сака да живее односно да ги јаде шеќерите на пониски температури. на крајот од процесот се таложи на дното на ферменторот. Ова значи дека по одлежувањето пивото станува многу почисто, поостро и повкусно

HOPS- ХМЕЉ

Последната многу битна состојка (не сметајќи на водата) е хмељот. Цветот е од клучно значење за вкусот и конзервацијата на пивото. Постои една неверојатна количина на варијации на хмељ кои се употребуваат за але и лагер пивата кои се со повеќе или помалку ароми на хмељот. Но ајде да ги поедноставниме работите. Хмељот се додава на самиот почеток за горчина на пивото. Може да се користи во форма на пелети, свеж или исушен во сите фази од процесот на производството, од вриењето, укоминувањето, или секундарната ферментација. Постојат мал милион варијации на хмељ и во зависност од тоа пивото може да добие ароми на бор, канабис смола, манго, ананас, трева , цитрус, и многу повеќе. на пример кога пиете некоја овошна ИПА сите тие ароми и вкусови и горчина ги добивате токму од хмељот 

Adjunct – ДОДАТОЦИ

Оке, влегуваме во една малку поспецифична терминологија овде. „Додатоците“ се многу важни кај „макро“ пивата. Тоа се пивата кои што ги пиеме секојдневно и ги има насекаде околу нас. А тие додатоци може да бидат: пченка, екстракт од ориз, кој се додава откако ќе се направи пивото, Во суштина ова го прави пивото полесно, попитко и послатко. Пример како добро би ви дошла една ладна Корона во овие жешки денови. Вкусот на пивото го добивате токму од пченката која многу се користи во ова пиво, но и речиси во сите мексикански лагер пива. 

Но, пченката и оризот се најомразените додатоци кај љубителите на занаетчиското пиво. од друга страна тие се горди што ги задржуваат основните додатоци за негово производство, но не се плашат да додадат и други житарки на пример, овесни снегулку, зрна кафе, свежи боровинки, цреши, овес, рж. 

Reinheitsgebot (“German Purity Law”) – ГЕРМАНСКИОТ ЗАКОН ЗА ЧИСТОТА НА ПИВОТО

Баварскиот закон за чистота на пивото не се однесува на секое пиво. Дури и да е произведено во Германија, тоа е проследено само во некои традиционални пиварници низ целата земја. Сепак, од 1516 година овој закон е главно обележје на секое произведено пиво. Едноставно кажано, законот наведува тоа дека пивото мора да содржи само вода, слад (јачмен или пченица), хмељ и квасец. Со додавањето на било која друга состојка веќе не се смета дека е „пиво“. Според овој Германски закон, на пример Ламбичкото пиво до Белгија во кое се додава цреша тие не го сметаат за пиво. Очигледно оваа дефиниција е премногу рестриктивна за модерните пива и ја ограничува нивната креативност, но овој закон ја дава всушност дефиницијата за тоа што е пиво. 

ABV – ПРОЦЕНТ НА АЛКОХОЛ

ABV  е алкохол по волумен односно “alcohol by volume. И тој варира од стил до стил на пример пивото Берлинер вајс има низок процент на алкохол околу 3% и тоа го прави да биде сезонско пиво. „Сезонско пиво“ е она кое се движи во опсег до 5 %. а изразот се однесува дека се пие во одредената сезона како пиво за во текот на целиот ден.  Повеќето лагери или але пива се движат некаде околу 5%., но постојат и пива со повеќе од 5% а некои екстремни случаи може да стигнат и до 12%.

IBU – International Bitterness Units /  ИНТЕРНАЦИОНАЛНА ЕДИНИЦА ЗА ГОРЧИНА НА ПИВОТО

Оваа единица која што е бројка покажува колку хмељ е ставен во пивото. Генерално, ако прочитате ниско ниво на ИБУ, кое што го има во wheat или white ales, некои лагери или портери и стаути значи дека е пивото со умерена горчина. Високата вредност на ИБУ се однесува на пале але, ИПА и некои лагер пива. 

Brettanomyces – бактеријата Брет

Ова е веројатно најнапредниот збор во оваа листа.  Brettanomyces, или “Брет”, е специфичен габичен квасец. Тој најчесто се користи во ферментација на белгиските пива како  lambic, gueuze, farmhouse ales, Flanders red ale, saisons, sour ale. Повторното враќање на интересот за овие белгиски пива помогна овој специфичен тип на квасец да биде широко прифатен во целиот свет. посебно кај љубителите на малите занаетчиски пивари. и има многу начини Брет да се користи во процесот. 

Понекогаш Брет се става во ферменторот заедно со пиварскиот квасец Saccharomyces. понекогаш исто така се става и во дабовите буриња. во секундарната ферментација. На крајот ферментацијата со брет често води до таа кисела нота на пивото. Многу е популарен во земјите од ЕУ